БИДНИЙ ТУХАЙ
Манай компани 1993 онд үүсгэн байгуулагдсан бөгөөд хүнс үйлдвэрлэл, хүнсний худалдаа, сүлжээ ресторан, мэдээллийн технологи, үл хөдлөх хөрөнгө, газар тариалан, барилгын материалын худалдаа, үйлчилгээ зэрэг салбаруудад хөрөнгө оруулалт хийн ажиллаж байна.
Өнөөдрийн байдлаар бид 1300 гаруй ажлын байрыг бий болгосон, үндэсний томоохон татвар төлөгч групп компани болон өргөжсөн бөгөөд улсынхаа нийгэм, эдийн засгийн хөгжилд хувь нэмрээ бодитоор оруулах, салбар бүртээ шинэлэг менежмент, орчин үеийн шилдэг технологи, ололт амжилтыг нэвтрүүлэхийг удирдлагаа болгон ажилладаг.
Салбар компаниуд
WE International LLC
Бид өндөр чанар бүхий брэнд бүтээгдэхүүнүүдийг эх орны зах зээлд борлуулалтын өргөн суваг, орчин үеийн шилдэг технологи ашиглан, хадгалалт, тээвэрлэлтийн олон улсын стандартыг ханган нийлүүлдэг.
Bagro LLC
Багро хүнсний үйлдвэр нь 2009 онд байгуулагдсан бөгөөд жилд 600 000 тонн хүнс, хүнсний ногоо боловсруулах хүчин чадалтай. Итали технологийн хамгийн гол онцлог нь аливаа ногоо, жимс жимсгэнд агуулагдах шимт бодисыг алдагдуулахгүйгээр эцсийн бүтээгдэхүүн бий болгох гэдэгт оршдог.
Atlas LLC
“Атлас” ХХК нь 2007 оны 5-р сард байгуулагдсан. Тус компани нь Польш улсын тэргүүлэх барилгын материал үйлдвэрлэгч Атлас группын Монгол дахь албан ёсны диллер юм. Барилгын дулаан алдагдлыг хамгийн бага байлгах шинэлэг технологийг эх орны зах зээлд анхлан нэвтрүүлсэн нь эдийн засгийн өндөр хэмнэлт болоод загварын шинэ шийдэл болж чадсан юм.
Chuluut Sky Villa
Баянзүрх дүүргийн 11-р хороо Чулуутын аманд байрлах 34 айлын сингл хаус, 16 айлын таун хаус, 34 айлын орон сууц бүхий нийт 4.7 га газарт хэрэгжиж буй төсөл юм. Хотын төвөөс 14 км, Скай ресортийн цанын баазаас 2.5 км зайд байршилтай.
Bluefin LLC
“Блүфин” ХХК нь анх 2013 онд байгуулагдсан бөгөөд нийтийн хоол үйлдвэрлэл болон үйлчилгээний салбарт хамгийн өндөр стандартыг тогтоохыг зорилгоо болгон анхны салбар болох “Bluefin The Steakhouse” ресторанаа нээсэн нь Улаанбаатар хотын нийтийн хоолны үйлчилгээний салбарт хувьсал хийж, салбарынхаа тэргүүний ресторануудын нэг болж чадсан.
Asterisk Technologies LLC
Бид өөрсдийн туршлага болон техник мэдлэг дээр суурилан аливаа бизнесийн байгууллагын бүтэц, үйл ажиллагаа, зохион байгуулалтыг системээр дамжуулан өөрчлөн шинэчилдэг. Мөн манай баг нь бизнес процессын шинжилгээ, үйл ажиллагааны урсгалын шинжилгээг бүрэн хэмжээнд гүйцэтгэж холбогдох бизнесийн зөвлөх үйлчилгээг үзүүлж байна.
Naran Zug LLC
"Наран Зүг" ХХК нь 2006 онд газар тариалан, мод үржүүлгийн чиглэлээр байгуулагдсан. Багро үйлдвэрийн дэргэд нийт 80га талбайд чацаргана, алим, интоор, үхрийн нүд зэрэг модны үржүүлэг хийдэг бөгөөд үйлдвэрийн зарим амт чанар, технологи шаардсан хэрэгцээт түүхий эд, нарийн ногоог тариалж нийлүүлдэг.
Euro Garden LLC
"Евро Гарден" ХХК нь олон улсаас чанарын стандартад нийцсэн алим, лийр, усан үзэм, мандарин, жүрж, гоо жүрж, интоор , нимбэг, мөн хатаасан манго, ананас, чавга, чангаанз, үзэм, хушга, ойн самар, газрын самар, гэх мэт нийт 50 гаруй нэр төрлийн самар, жимс жимсгэнэ Монголын зах зээлд нийлүүлэн ажилладаг.
WE Logistic Center LLC
Хотын төвөөс 15 км зайд Сонгинохайрхан дүүргийн 20-р хорооны нутаг дэвсгэрт байрлах нийт 14 га талбай дээр 7.1 га бүхий 8 обьекттой олон улсын стандартад нийцсэн Хүнсний агуулах, Логистикийн цогцолбор төвийн төсөл юм.